लक्ष्मी पूजन करताना लक्ष्मी दाराबाहेर का हकलता?

शीर्षक पाहून कदाचित तुम्ही म्हणाल की, मी हे काय लिहिले आहे. पण ही सत्यस्तिथी आहे. आपण श्रीलक्ष्मी मातेच्या प्रतिमेचे पूजन तर दरवर्षी करतो, पण खऱ्या अर्थाने लक्ष्मी आपल्यावर प्रसन्न होते का याचा गांभीर्याने विचार करायला हवा. आपण जास्तीत जास्त परदेशी गोष्टींकडे ओढलो जातो आणि आपल्या देशातील जास्तीत जास्त संपत्ती आपण परदेशात पाठवतो. ज्यामुळे आपल्याला या देशात काही प्रमाणात दारिद्र्याला तोंड द्यावे लागते. कितीतरी ठिकाणी लोकांना रहायची, खायची सोय नाही. कारण इथे मुलांना रोजगारच मिळत नाही. याचे कारण परदेशी कंपन्यांचा आपल्यावर असलेला प्रभाव. मान्य आहे की, प्रत्येक जण एकमेकांवर जसा अवलंबून असतो तसा एक राष्ट्र दुसऱ्या राष्ट्रावर अवलंबून असतो. पण याचा अर्थ असा नव्हे की आपण अजूनही परकीयांचे आर्थिक गुलाम रहावे. मग उपयोग तरी काय अशा लक्ष्मी पूजनाचा?

जेवढं शक्य होईल तेवढे फक्त दिवाळी पुरता नव्हे तर नेहमी स्वदेशीचा वापर करा. आपल्याकडे ज्या गोष्टी नाहीत त्याचे उत्पादन कसे सुरू करू शकतो याचा विचार करा. तेव्हाच या लक्ष्मीपूजनाला खऱ्या अर्थाने महत्व प्राप्त होईल.

एक महान व्यती ज्याने असा एकही राष्ट्रीय विषय नाही, ज्यावर भाष्य केले नाही. पण भारतीयांनी त्यांच्या भाष्याकडे कधी गांभीर्याने लक्षच दिले नाही. आता वेळ आली आहे त्याकडे लक्ष देण्याची. त्या महात्म्याचे नाव आहे, “स्वातंत्र्यवीर विनायक दामोदर सावरकर!”

सावरकरांनी याच विषयावर जे अतिशय प्रभावी काव्य रचले आहे ते देत आहे.

हे काव्य सावरकरांनी रत्नागिरीत असताना रचले आहे.

मंडळी यावर विचार करा आणि मग बघा परिस्थिती किती बदलेल.

पुन्हा एकदा सर्वांना शुभ दीपावली…!