कोलकाता: मोहन बागान सुपर जायंट (एमबीएसजी) ने आज रात्री कोलकाता येथील विवेकानंद युवा भारती क्रीडांगण येथे बंगळूरु एफसी विरुद्ध 2-1 असा विजय मिळवून इंडियन सुपर लीग (आयएसएल) 2024-25 चषक जिंकला. एका गोलने पिछाडीवर पडल्यानंतरही, एमबीएजीने यशस्वीरित्या लीग डबल पूर्ण केले, यापूर्वीच या हंगामात आयएसएल शिल्ड जिंकले होते आणि त्यांनी त्यांची घरची मोहीम अपराजित ठेवली. मुंबई सिटी एफसी (2020-21) नंतर एकाच हंगामात लीग शिल्ड आणि आयएसएल चषक जिंकणारा ते फक्त दुसरा संघ आहेत.
एमबीएसजीने सामन्याला निर्णायक सुरुवात करण्यासाठी गर्दीच्या पाठिंब्यावर जोर दिला, जेमी मॅक्लारेनने बॉक्सच्या त्याच बाजूने उजव्या पायाने मारलेला शॉट नवव्या मिनिटाला गुरप्रीत सिंग संधूने खालच्या डाव्या कोपऱ्यात अडवला.
त्यांनी एकत्रितपणे गतिशीलपणे काम करणे चालू ठेवले, कारण सहसा मधल्या फळीत सूत्रे हलवणारा अनिरुद्ध थापा 18-यार्ड क्षेत्रात घुसला आणि बॉक्सच्या डाव्या बाजूने उजव्या पायाने शॉट मारण्यासाठी पुढे सरसावला, जो वेळेत ब्लॉक करण्यात आला.
ब्लूजने 20 मिनिटांच्या आसपास संधींची मालिका तयार केली, अल्बर्टो नोगुएराने एमबीएजीच्या बचाव फळीला रुंद करून सुनील छेत्रीसाठी क्रॉस दिला, ज्याचा फायदा फॉरवर्डला घेता आला नाही. त्यानंतर एडगर मेंडेझच्या हेडरला विशाल कैथने गोलच्या मध्यभागी अडवून स्कोअर बरोबरीत ठेवला.
बंगळूरु एफसीने 49 व्या मिनिटाला बचावपटू अल्बर्टो रॉड्रिग्जच्या आत्मघातकी गोलमुळे आघाडी घेतली. उजव्या बाजूला विल्यम्सला भरपूर जागा मिळाली आणि त्याने बॉक्समध्ये मेंडेझसाठी एक वेगवान क्रॉस टाकला. विल्यम्सला मार्किंग करत असलेला सुभाशिष बोस त्याला रोखू शकला नाही. रॉड्रिग्जने चेंडू क्लिअर करण्याचा प्रयत्न केला पण दबावाखाली तो थेट जाळ्यात मारला गेला.
सात मिनिटांनंतर, बोसने मागील प्रयत्नाची भरपाई करण्याचा प्रयत्न करत मध्य रेषेजवळ चेंडू परत मिळवला आणि जेसन कमिंग्जला पेनल्टी क्षेत्राबाहेर भेटेल असा पास दिला. स्ट्रायकरने चेंडू चांगल्या प्रकारे नियंत्रित केला आणि डाव्या पायाने असा शॉट मारला की स्कोअर बरोबर होण्यापासून वाचवण्यासाठी संधूला पूर्णपणे झेप घ्यावी लागली.
तथापि, एमबीएजीला चिंग्लेनसाना सिंगच्या हँडबॉलमुळे पेनल्टीच्या रूपात दिलासा मिळाला. 72 व्या मिनिटाला, कमिंग्जने स्पॉट-किक घेतली आणि डाव्या पायाने चेंडू हळूवारपणे खालच्या डाव्या कोपऱ्यात मारून सामना पुन्हा बरोबरीत आणला.
सामना अतिरिक्त वेळेत जात असताना, कैथने लांब पास दिला, ज्यावर आशिक कुरुनियानने डाव्या बाजूने कठीण अँगलमधून गोल करण्याचा प्रयत्न केला, पण तो फसला. ग्रेग स्टुअर्टच्या टॉम एल्ड्रेडसाठी असलेल्या बाजूच्या पासवर बचावपटूने सहा यार्ड बॉक्सच्या डाव्या बाजूने हेडर मारला, पण तो उजव्या बाजूला गेला.
सामना अतिरिक्त वेळेत गेला आणि मॅक्लारेनला अंतिम सामन्यात प्रभाव पाडण्यासाठी जास्त वेळ लागला नाही. एमबीएजीने पुढे जास्त खेळाडू ठेवल्यामुळे, बंगळूरु एफसीचा बचाव अडचणीत सापडला आणि मॅक्लारेनच्या भेदक वृत्तीने त्याचा फायदा घेतला, त्याने चेंडू मिळताच बॉक्सच्या आतून जोरदार फटका मारून संधूला गोंधळात पाडले आणि 96 व्या मिनिटाला गोलच्या मध्यभागी चेंडू मारून कोलकातास्थित क्लबसाठी एक अविस्मरणीय मोहीम निश्चित केली.